الرئيسية / منوعات / البكيني والبوركيني .. جدل كبير على مواقع التواصل بسبب فيديو الساحل

البكيني والبوركيني .. جدل كبير على مواقع التواصل بسبب فيديو الساحل

في الفترة الأخيرة، انعكست حالة الجدل المثار بين البوركينى والبكيني، على السوشيال ميديا، خصوصا بعدما رصد رواد مواقع التواصل الاجتماعي المختلفة أزمة جديدة وقعت على حمام السباحة بإحدى القرى السياحية بالساحل الشمالي.، حيث رفض أنصار البكيني نزول صاحبات البوركينى حمام السباحة، الأمر الذى تطور لاتهامات متبادلة بالعنصرية والرجعية والتخلف، إلا أن البعض قابل الموضوع بالسخرية ووصفها بالحرب العالمية الجديدة على أرض مدينة العالمين.

حالة كبيرة من الجدل شهدتها مواقع التواصل وبالاخص موقع تويتر، الأمر الذى جعل تريند “البوركينى ” و”المايوه الشرعى” يتصدران قائمة الأكثر تداولا بموقع تويتر.

حيث علقت احدى المتابعات قائلة: “انا عن نفسي مش محجبه و بنزل البحر ب مايوه عادي بس ف نفس الوقت جايبه بوركيني عشان لو الشمس جامده اوي البسه فين المشكله”.

فيما علق اخر ساخرا : “للأسف كيم وأمها مش هيعرفوا يصيفوا في الساحل السنادي”.

وعلقت ايمان قائلة : “أول ما ظهرت مشكلة منع نزول البوول لبعض المحجبات كان بسبب نوعية الملابس “الماتريال” اللى كانت ممكن تأثر على تعقيم البوول وتضر الصحة بشكل مباشر..بس مع انتشار الاسلاموفوبيا اتحور الموضوع .. أغلب الدايفينج بيتم بمايوه “سوت” مش بكينى .. بعض الأجانب بيلبسوه حماية من الشمس”.

يأتي هذا الجدل بسبب مقطع فيديو انتشر بشدة بعنوان “أزمة في الساحل بسبب مايوه شرعي: شكله بيضايق عيوننا وكلنا لابسين بكيني”. عندما حكى صاحبه تفاصيل الواقعة قائلا: “ده مثال واقعي حصل لمراتي النهاردة وأنا معاها فى pool فى ستيلا الساحل، لقيت سكان جايين يقولولها واحنا فى الماية ماينفعش تنزلى باللبس ده أو بالمايوه ده!! قالت ليه بكل استغراب وخوف كما لو كانت عملت حاجة غلط”.

متابعًا: “واحدة عندها شاليه زيها زي أي حد وييجى ناس يقولوا لها اخرجى عشان أنتى لابسة مايوه شرعى ومضايقة عيوننا بيه!! هنا كله لابس بيكينى أو one piece”.

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *