الرئيسية / منوعات / طبيبه تهاجم طبيب الغلابه بعد وفاته بكلمات قوية

طبيبه تهاجم طبيب الغلابه بعد وفاته بكلمات قوية

قامت الدكتورة حنان السكرى، استشاري أول التوليد وأمراض النساء والعقم بتوجيه انتقادات صادمة، فى تدوينة لها عبر صفحتها الشخصيه على موقع التواصل الاجتماعى فيسبوك للدكتور محمد مشالى، والشهير بـ “طبيب الغلابة”، الذى رحل عن عالمنا منذ أيام قليلة.

وقالت هذه الطبيبة في منشور عبر حسابها على موقع التواصل الاجتماعي «فيسبوك»: «دكتور مشالي… فوق راسي… لكنه لا يمت للطب بشيء… و لا له أي علاقة بالممارسة الصحيحة، ولو وزارة الصحة راحت عيادته علشان تعمل تفتيش ضروري تقفلها وتمنعه من ممارسة المهنة والعمل بالطب، لأن عيادته دي تخالف المواصفات الخاصة بالترخيص من ناحية النظافة والتعقيم واحتياطات مكافحة العدوى».

 

كما كتبت الدكتورة حنان السكرى: «ولو نقابة الأطباء عملت تفتيش ولقيت طبيب بتاع كله، يعني بيكشف أطفال وهو موش متخصص أطفال، وبيكشف باطنة وهو موش متخصص باطنة، وبيعمل تحاليل بأجهزة بدائية موش بتظهر الميكروب صح وهو موش متخصص تحاليل، هتوقفه عن العمل فوراً وممكن يتشطب من النقابة».

وتابعت كاتبة: «ودكتور مشالي لما رفض مساعدة غيث دي موش بطولة ولا جدعنة ولا كرامة وكبرياء، ده غلط وضد مصلحة الفقراء والغلابة اللي بيعيش علشانهم زي ما بيقول».

واضافت : لو عاوز يخدمهم صح يوافق على تجديد عيادته اللى متمسك بيها وسط الغلابة.. يوقف الشغل كام يوم ويفضي كل حاجة فيها والجرايد اللى من أيام الملك، واللي حاططها جانبه كأنها مراجع طبية وأكيد كلها تراب وميكروبات وعفن، ويحط الميكروسكوب الغريب اللى لازقه بشيكرتون في المتحف، ولما يحب يعمل تحليل بول لحد يبعته لمعمل محترم يكون بيعمل خير برده ومجاني .

واختتمت الدكتورة حنان السكري استشاري أول التوليد وأمراض النساء والعقم: «لما هو يقدر يلبس كويس ليه يلبس مبهدل ويبقى مظهره غير لائق كإنسان موش هأقول كدكتور؟. يعني لا ممارسة صح ، و لا عيادة صح ، و لا مظهر لائق ، و الإعلام عمال يظهره كأنه أبوقراط».

وتبقى كلمة : من العيب أنى أتكلم على شخص توفاه الله ، لا يستطيع حتى الدفاع عن نفسه ،، مش هقدر أقول غير كدا .

2 تعليقان

  1. انت بس تشتي تشتهري على حساب الغلبان ده لو كنت محترمة كنت تتبرعي له بتجديد العيادة والأدوات وتجيبي له دولاب للجرائد مش تتمسخري عليه هو اصلا ماعنده وقت للتجديد ولاعنده فلوس هو بيشتغل مجاني ولوكنت تريدي تشتهري على حسابه كنت نزلت اعلان بأن عبادتك مجانية لمدة أسبوع كانت الناس هتحبك لاكن بسبب جشعك لم تقدري تفتحي عبادتك يوم واحد مجاني اصلا من مفهومك أن الطب بزنس بس ومن منظوري أنا أدعو كافة المصريين الطيبين لمقاطعتك لانك أنانية وحسدانة وغيرانة لاكن ابشري لن يترحم عليك أحد عند موتك وربما يقولوا عنك وحشة ودي الذي سبت الدكتور مشالي

  2. عيب الكلم ده اللى انتى قولتيه فى حق راجل متوفى …انتى انسانه متعلمه عيب يطلع منك العيب …. مهما ان كانت عيوبه هو احسن منك بيساعد على قدر ما يسطاطيع المفروض علينا نشكره هو فكره محدود بس بيساعد…… انتى تعرفى تسعدى الغلابه من غير اجر ….طبعا لا عشان انتى وحده كل اللى يهمك جمع الفلوس …. ينفع تجهزى عياتك على احدثث مستوى وبعد تجهزها تعمليها لوجه الله …طبعا لا عرفه ليه عشان انتى من جواكى دوخلك وحشه اوى …. والدليل على كده مهجمتك لرجل متوفى عمل الخير لله ……………. يا سيادة الدكتوره الاستشاريه المحترمه المتعلمه لسه موجود فى الدنيا ناس نفسها وحشه يا متعلمه زعلتينى منك … وزعلت عليكى حتقبلى ربك بالسان وحش وقلب كله جحود للغير…….الله يرحمك يا دكتور ( محمد مشالى ) يجعله ربك فى ميزان حسناتك كل اللى سمع عنك على الفيس بيدعيلك على الخير اللى عملته …. دعاه الناس ليك ده الخير اللى فعلته فى الدنيا………………………….. انعلمى الكلام والفكر والهجوم يا دكتوره قبل النشر والكتابه على النت عشان محدش يهجمك بلغلط تحفظى نفسك من الاهانه يا متعلمه

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *